ಆಗಾಗ

ಆ ಹಲಸಿನ ಮರ
ಆ ಚಿಕ್ಕು ಹಣ್ಣು
ಆ ಪೇರಲ ಮರ
ಆ ಸೀತಾ ಫಲ
ಆ ಹಳದಿ ಹೂವು
ಆ ಹಳೇ ಭಾವಿ
ಆ ಮಾವಿನ ತೋಪು
ಆ ಕೆಂಪು ಮಣ್ಣಿನ ಗೋಡೆ
ಆ ಗಡಗಡಿಗೆ ಸುತ್ತಿದ ಗುಲಾಬಿ ಮಾಂಜಾ ದಾರ
ಆ ಎಲೆಯ ಚಪ್ಪರದ ಮಣ್ಣಿನ ಆಟದ ಮನೆಗಳು
ಆ ಬೆಣಚು ಕಲ್ಲು ಕುಟ್ಟಿ ಮಾಡಿದ ಬೆಳಕು
ಆ ಬೆಕ್ಕಿನ ಮರಿ
ಆ ಮಧ್ಯಾನದ ಖಾಲಿ ರಸ್ತೆಗಳು
ಆ ಉದ್ದ ಉದ್ದ ದಿನಗಳು
ಆ ಮುಸ್ಸಂಜೆಯ ಸ್ತಬ್ದತೆ
ಆ ಗೆಳೆಯರ ಜೊತೆ ಹೊಡೆದ ಕಾಡು ಹರಟೆಗಳು
ಆ ರಾತ್ರಿಯಲಿ ಕಂಡ ನಕ್ಷತ್ರಗಳು
ಆ ಅನಂತ ಸಾಧ್ಯತೆಯ ಕನಸುಗಳು
ಆ ನೆನಪುಗಳು ಕಾಡುತ್ತವೆ ಆಗಾಗ
 - ಬುಡ ಬುಡ್ಕಿ ಬಾಬಾ