ನೀನಿರದಿದ್ದರೆ ನಾನಿರುತ್ತಿರಲಿಲ್ಲ

ಕವನವೊಂದು ಜೀವ ಪಡೆದು ಹಾಳೆಯಿಂದೆದ್ದು
ಕವಿಯನ್ನು ತಬ್ಬಿ ಹೇಳಿತು
ನನ್ನನ್ನು ಅವ್ಯಕ್ತದಿಂದ ವ್ಯಕ್ತಗೊಳಿಸಿದಕ್ಕೆ
ಧನ್ಯವಾದ ನೀನಿರದಿದ್ದರೆ ನಾನಿರುತ್ತಿರಲಿಲ್ಲ || ೧ ||

ಕವಿ ಕೇಳಿದ ಕವನಕ್ಕೆ ಎಲ್ಲಿದ್ದೆ
ನೀನು ಇಷ್ಟು ದಿವಸ? ಕವನವೆಂದಿತು
ಸಾಮಾನ್ಯ ಅರ್ಥಗಳ ಮಧ್ಯೆ
ಸಾಮಾನ್ಯ ಅರ್ಥಗಳಾಚೆಯ ಭಾವ ವ್ಯೂಹದಲ್ಲಿ || ೨ ||

ಕವಿ ಕವನವ ಇನ್ನೂ ಬಿಗಿಯಾಗಿ ತಬ್ಬಿ
ಗದ್ಗದಿತನಾದ ಧ್ವನಿಯಲ್ಲಿ ಹೇಳಿದ
ಭಾವವಿಲ್ಲದೆ ನಾನಿಲ್ಲ ನೀನಿಲ್ಲದೆ ಭಾವವಿಲ್ಲ
ಧನ್ಯವಾದ ನೀನಿರದಿದ್ದರೆ ನಾನಿರುತ್ತಿರಲಿಲ್ಲ || ೩ ||

- ಬುಡ ಬುಡ್ಕಿ ಬಾಬಾ