ಕುತೂಹಲ

ಗೊತ್ತಿರಲಿಲ್ಲ ಆಳ ಗೊತ್ತಿರಲಿಲ್ಲ ಪಯಣ
ಹಿಂತಿರುಗಿ ನೋಡಿದರೆ ಕಾಣಲಿಲ್ಲ ನಡೆದು ಬಂದ ದಾರಿ
ಕಂಡ ಆಯ್ಕೆ ಒಂದೇ ಒಂದು
ಮುನ್ನುಗ್ಗಿ ಧುಮುಕುವುದು
ಆದರೂ ಇತ್ತು ಅದೆಂತದೋ ಉತ್ಸಾಹ
ಅರಿಯದ ಕಾಣದ ಲೋಕದ ಕುತೂಹಲ
ಕುತೂಹಲದ ಎಳೆ ಹಿಡಿದೆ ಧುಮುಕಿದ್ದೇ ಆ ಪ್ರಪಾತಕ್ಕೆ
ಬೆವೆರಿದ್ದ ದೇಹಕ್ಕೆ ದಣಿದಿದ್ದ ಮನಕ್ಕೆ
ಆ ತಂಗಾಳಿ ಮುದವೆನಿಸಿದ್ದೆನೋ ನಿಜ
ಪ್ರತಿ ನಿಮಿಷ ಹೊಸ ದೃಶ್ಯ ಮಾಯಾ ಲೋಕ
ಬೀಳುತಿದ್ದೆನೋ ಮೇಲೇರುತ್ತಿದ್ದೆನೋ ಒಂದು ಅರಿವಿಲ್ಲ
ಅತ್ತ ಇತ್ತ ಕೈ ಕಾಲು ಬಡೆದ್ದದೊಂದ್ದೆ ಬಂತು
ಸಿಗಲಿಲ್ಲ ಏನೂ ಕೈಯಲ್ಲಿ
ವೇಗ ಹೆಚ್ಚುತ್ತಲಿತ್ತು ಕಾಲ ಕಳೆಯುತ್ತಲಿತ್ತು
ಆಧಾರವೊಂದು ಸಿಕ್ಕಿತು ಸಿಕ್ಕಿತು ಅನಿಸುತ್ತಲೇ
ಮತ್ತೆ ಕೈ ಕಳಚಿ ಎಲ್ಲ ಬರಿದಾಗುತಿತ್ತು 
ಗಾಢ ಕತ್ತಲೆ ಆಗಾಗ ಮಿಣುಕು ದೀಪಗಳ ಬೆಳಕು
ಕಣ್ಣಿಗೇನೋ ಕಂಡಂತಾಗುವ ಮೊದಲೇ ಮತ್ತದೇ ಕತ್ತಲು
ಒಂಟಿ ಪಯಣ ಮೈಲಿಗಲ್ಲುಗಳಿಲ್ಲ ಸಂಕೇತಗಳಿಲ್ಲ
ಅರೆ ಗಳಿಗೆ ಕೂಡ ವಿಶ್ರಮಿಸಲು ತಂಗುದಾಣಗಳಿಲ್ಲ
ಸ್ವಾತಂತ್ರವೋ ಅಥವಾ ಸ್ವಾತಂತ್ರದ ಭ್ರಮೆಯೋ
ನಿಜವೋ ಸುಳ್ಳೋ ಸರಿಯೋ ತಪ್ಪೋ
ಸೋಲೋ ಗೆಲುವೂ ಏನದು ಒಂದು ತಿಳಿಯದಾಗಿತ್ತು
ಅದೆಂತದೋ ತರ್ಕದ ಸೀಮೆಗಳ ದಾಟಿದ
ಹುಚ್ಚು ಭರವಸೆಯ ಕುದುರೆಯ ಮೇಲೆ ಕುತಂತಿತ್ತು
ಕುದುರೆ ಓಡುತಿತ್ತು ಕಡಿವಾಣ ಕಡೆದಿತ್ತು
ಭಯದ ಭಯವಿಲ್ಲದಂತಾಗಿದ್ದಕ್ಕೆ ಭಯವಾಗಿತ್ತು
ಆಗಾಗ ಮನ ಮತ್ತದೇ ಹಳೇ ಹಾದಿಗಳ ಜಾಡು ಹುಡುಕುತಿತ್ತು
ಎಲ್ಲ ಮುಗಿಯಿತು ಅನಿಸಿದಾಗ
ಮತ್ಯಾವುದೋ ಹೊಸ ಕರೆ ಬರುತಿತ್ತು ವಿಶ್ವಾಸ ತುಂಬುತಿತ್ತು
ಮತ್ತದೇ ಆಸೆ ನಿರಾಸೆಗಳ ನಡುವಿನ ಓಲಾಟ
ಗಡಿಯಾರದ ಲಂಬಕದಂತೆ ನಿರಂತರವಾಗಿ ಸಾಗಿತ್ತು

 - ಬುಡ ಬುಡ್ಕಿ ಬಾಬಾ