ನಾ ಮುಟ್ಟಿದೆಲ್ಲ

ನಾ ಮುಟ್ಟಿದ್ದೆಲ್ಲಾ ಮಣ್ಣು
ನಾ ಮುಟ್ಟಿದ್ದೆಲ್ಲಾ ಮಣ್ಣು
ನಾನಿನ್ನೇನು ಮುಟ್ಟುವುದಿಲ್ಲ
ಎಂದು ಕೈ ಚೆಲ್ಲಿ

ಕುಳಿತರೇನು ಬಂತು

ಓ ಮರುಳೆ|| ೧ ||

ಏಳು ಎದ್ದೇಳು
ಮುಟ್ಟು ಮುಟ್ಟುತ್ತಲೇ ಇರು
ಆಗಲಿ ಬಿಡು ಅದೆಲ್ಲ ಮಣ್ಣು
ಆ ಮಣ್ಣಲ್ಲೇ ಬಿತ್ತು
ನಿನ್ನ ಕನಸುಗಳ ಬೀಜ
ಮಾಡು ಸಸಿಗಳ ಆರೈಕೆ
ಕೀಳು ಕಳೆ
ನಡೆಯಲಿ ನಿರಂತರ
ಕರ್ಮ ಯೋಗ
ಕೈ ಸೋಲದೆ || ೨ ||

ಬೆಳೆವುದಾಗ ಚಿನ್ನದಂತ ಬೆಳೆ
ಆಗುವುದು ನಿನಗೆ ಆಗ ಅಚ್ಚರಿ
ನೀನೇ ಅನ್ನುವೆ ಆಗ
ನಾ ಮುಟ್ಟಿದೆಲ್ಲ ಚಿನ್ನ
ನಾ ಮುಟ್ಟಿದೆಲ್ಲ ಚಿನ್ನ || ೩ ||
- ಬುಡ ಬುಡ್ಕಿ ಬಾಬಾ