ಮಾರುವುದು

ಮಾರುವುದು
ಮರೆಯುವುದು
ಒಂದೇ ನಾಣ್ಯದ
ಎರಡು ಮುಖಗಳಂತೆ
ಮಾರಿ ಮರೆಯಬೇಕಂತೆ
ಮರೆತವರಿಗೇ
ಮತ್ತೆ ಮಾರಬೇಕಂತೆ

 - ಬುಡ ಬುಡ್ಕಿ ಬಾಬಾ

ಹಳೆ ಹಾದಿ

ಹಳೆ ಹಾದಿಯೇ ಬೇಕು ನಮಗೆ ನಿಮಗೆಲ್ಲ
ಹಳೆ ಹಾದಿ ಕೊಡೊ  ಖಾತ್ರಿ ಹೊಸದರಲ್ಲಿಲ್ಲ 
ಹಳೆ ಹಾದಿ ಹಾಕೋಲ್ಲ ಹೊಸ ಪ್ರಶ್ನೆಯನ್ನ
ಹಳೆ ಹಾದಿ  ತುಳಿವಾಗ ತಲೆಗೆ ಬಿಸಿಯಿಲ್ಲ
ಹಳೆ ಹಾದಿ ನಡೆದಾಗ ದಾರಿ ತಪ್ಪೊಲ್ಲ 
ಹಳೆ ಹಾದಿ ತಪ್ಪಿದರೂ ಅದು ನಮ್ಮ ತಪ್ಪಲ್ಲ
ಹಳೆ ಹಾದಿ ಹೋದಾಗ  ನಾವು ಹೊಣೆಯಲ್ಲ
ಹಳೆ ಹಾದಿ ತಲುಪುವುದು ಮತ್ತದೇ ಗಮ್ಯ
ಆ ಗಮ್ಯ ನೋಡುತ್ತಾ ಅನಬಹುದು
ನಾವೆಷ್ಟು  ಧನ್ಯ ನಾವೆಷ್ಟು ಧನ್ಯ
 - ಬುಡ ಬುಡ್ಕಿ ಬಾಬಾ