ನೀಲಿ ಬಾನ

ನನ್ನಿಂದ ಅದಾಗುವುದಿಲ್ಲ ನನ್ನಿಂದ ಇದಾಗುವದಿಲ್ಲ
ನಾನಿದಕೆ ಲಾಯಕಲ್ಲ ನಾನೆಂದೂ ಇದನು ಮಾಡೆ ಇಲ್ಲ
ಎಡವಿ ಮುಗ್ಗರಿಸಿದರೆ ಗಾಯ ಸಹಿಸಲಾಗುವುದಿಲ್ಲ
ಬಿದ್ದು ಬಿಟ್ಟರೆ ಏಳಲಾಗುವುದಿಲ್ಲ
ಎಂಬ ಸಲಾಕೆಗಳ ಬಳಸಿ
ಪಂಜರ ಒಂದನ್ನು ಕಟ್ಟಿ ಬಿಡುತ್ತೇವೆ ನಮ್ಮ ಸುತ್ತ || ೧ ||

ಪಂಜರಕೆ  ಭಯದ ಬಾಗಿಲೊಂದು ಮಾಡಿ
ಸಂದೇಹದ ಬೀಗ  ಜಡಿದು ಅದರಿಂದ
ಆತ್ಮ ವಿಶ್ವಾಸದ ಕೀಲಿ ಕೈಯನ್ನು ತೆಗೆದು
ಮನಸಿನ ಮೂಲೆಯೆಂಬ ಕಿಸಿಯೆಲ್ಲೆಲ್ಲೋ
ತುರುಕಿ ಮರೆತುಬಿಡುತ್ತೇವೆ || ೨ ||

ಆಮೇಲೆ ಬಿಡುವುದಿಲ್ಲ ಯಾರನ್ನೂ
ದೇವರನೂ ಕೂಡ ದೂಷಿಸಿ
ಬಂಧನಕೆ ಕೊಡುತೆವೇ ನೂರಾರು ಕಾರಣ
ಅದು ಸರಿ ಇಲ್ಲ ಇದು ಹೀಗಾಗಿಲ್ಲ
ಮತ್ತಿನೆನನ್ನೊ ಬಡ ಬಡಿಸುತ್ತಾ ಜೀವನ ಕಳೆಯುತ್ತೇವೆ || ೩ ||

ಇದೆಲ್ಲದರ ಬದಲು ಮನಸಿನ ಕಿಸೆ ತಡುಕಿ
ಆತ್ಮ ವಿಶ್ವಾಸದ ಕೀಲಿ ಕೈ ಹುಡುಕಿ
ಸಂದೇಹದ ಬೀಗ ತೆರೆದು ನಾವೇ ಮಾಡಿದ
ಪಂಜರದಿಂದ ಬಿಡುಗಡೆ ಹೊಂದಿ
ಹಾರಿ ನೋಡಿ ಬಿಡಬಹುದಲ್ಲ ನೀಲಿ ಬಾನ ಒಮ್ಮೆ || ೪ ||

- ಬುಡ ಬುಡ್ಕಿ ಬಾಬಾ