ಅದೆಂತಹ ನಾಟಕ

ನಾಟಕ ಮುಗಿದಾಗಿತ್ತು
ಚಪ್ಪಾಳೆ ತಟ್ಟಾಗಿತ್ತು
ಪರದೆ ಮಾತ್ರ ಬೀಳಲಿಲ್ಲ
ಮುಚ್ಚಿದ ಕದ ತೆರೆಯಲಿಲ್ಲ
ಪಾತ್ರಗಳು ಬಣ್ಣ ತಗೆಯಲಿಲ್ಲ
ಪ್ರೇಕ್ಷಕ ಕಣ್ಣು ಸರಿಸಲಿಲ್ಲ || ೧ ||

ಕೆಲ ಕ್ಷಣ ಮೊದಲು
ನೀರಂತೆ ಹರಿದದ್ದು
ಇದೀಗ
ಮಂಜುಗಡ್ಡೆಯಂತೆ  ಘನೀಕರಿಸಿತ್ತು
ಆವರಿಸಿತ್ತು ಮಂಪರು ಎಲ್ಲಡೆ || ೨ ||

ಕಳೆದು ಹೋಗಿತ್ತು
ಕಾಣದ ವಸ್ತುವೊಂದು
ಮಾಂತ್ರಿಕನ ಮಾಟಕ್ಕೆ
ಮೋಹಗೊಂಡಂತೆ
ಪರವಶವಾಗಿತ್ತು ಎಲ್ಲ || ೩ ||

ಅದೆಂತಹ ನಾಟಕ
ಅದೆಂತಹ ಕತೆ
ಅದೆಂತಹ ಪಾತ್ರ
ಅದೆಂತಹ ಪ್ರೇಕ್ಷಕ
ಅದೆಂತಹ ಚಪ್ಪಾಳೆ
ಆದ ಹೇಳಲು ಯಾರಿಲ್ಲ ಈಗ || ೪ ||

- ಬುಡ ಬುಡ್ಕಿ ಬಾಬಾ