ನಿಜ ರೂಪ

ಕತ್ತಲ ಆ ರಾತ್ರಿಯಲಿ
ದೀಪ ಉರಿಯುತಿದ್ದದ್ದು
ಆ ಗಾಜಿನ ಕೋಣೆಯಲಿ ಮಾತ್ರ
ಸರಿಯಾಗಿ ಕಂಡೇ ಇಬ್ಬರೇ
ಮಾತನಾಡುತಿದ್ದರು ಆದರೆ
ಶಬ್ದ ಮಾತ್ರ ಆರು ಜನರಿದ್ದಂತಿತ್ತು || ೧ ||

ದೇವರ ಬೇಡಿಕೊಂಡೆ ಕೊಡು
ನನಗೆ ದಿವ್ಯದೃಷ್ಟಿ
ಮತ್ತೊಮ್ಮೆ ಇಣುಕಿ ನೋಡಿದೆ
ನನ್ನ ಕಣ್ಣು ಕಂಡ ದೃಶ್ಯಕ್ಕೆ
ನನ್ನ ಹಳೇ ನಂಬಿಕೆಗಳೆಲ್ಲ
ಬುಡಮೇಲಾಗಿತ್ತು || ೨ ||

ನಾನಂದುಕೊಂಡಿದ್ದೆ ಬರೀ ದೇವರಿಗೆ
ಉಂಟು ರೂಪಗಳು ಅನೇಕ
ಅದರಲ್ಲಿ ಕಂಡಿದ್ದು ಪ್ರತಿ
ಮನುಜನಿಗೂ ಮೂರು ರೂಪಗಳು
ಆತನ ನಿಜ ರೂಪ
ಆತ ತನ್ನ ಬಗ್ಗೆ ತಾನೆಂದುಕೊಂಡ ರೂಪ
ಬೇರೆಯವರು ಆತನ ಕಾಣುವ ರೂಪ || ೩ ||

ಮಜಕೂರವೆಂದರೆ
ಆತ ತನ್ನ ಬಗ್ಗೆ ತಾನೆಂದುಕೊಂಡ
ಬೇರೆಯವರು ಕಾಣುವ ರೂಪಗಳ
ಭರಾಟೆಯಲಿ ಆತನ ನಿಜ ರೂಪ
ಬಸವಳಿದು ಬಿಳಚಿತ್ತು  || ೪ ||
- ಬುಡ ಬುಡ್ಕಿ ಬಾಬಾ