ಒಂಚೂರು

ಸದಾ ಬಡ ಬಡಿಸುವ ಬುಡ ಬುಡ್ಕಿ ಬಾಬಾ
ಅದೇಕೋ ಸುಮ್ಮನಾಗಿದ್ದನಂತೆ
ಅದ ತಾಳಲಾರದೆ  ಅದ್ಯಾರೋ ಛೇಡಿಸಿದರಂತೆ
ಏ ಬುಡ ಬುಡ್ಕಿ ಬಾಬಾ  ಹೇಳೋ ದುಃಖ ಆನಂದದ
ನಡುವಿನ ಅಂತರ ಎಷ್ಟೋ ಎಂದು || ೧ ||

ಆದ ಕೇಳಿ ಅದೆಷ್ಟೋ ಲೆಕ್ಕಾಚಾರ ಮಾಡಿ ಅಂದನಂತೆ
ಭಾರೀ ಒಂಚೂರು
ಅದ್ಹೇಗೆ ಹೇಳು ಅಂದದಕ್ಕೆ
ಹೇಳಿದನಂತೆ ಮಾಡಿ ನೋಡು ಕೆಳಗಿದನು ಒಂಚೂರು || ೨ ||

ತಿನ್ನುವುದು ಮಾಡಿ ಕಡಿಮೆ ಒಂಚೂರು
ಮಾಡುವ ಕೆಲಸ ಮಾಡಿ ಹೆಚ್ಚು ಒಂಚೂರು || ೩ ||

ಬೇರೆಯವರ ತಪ್ಪು ನೋಡುವುದು ಮಾಡಿ ಕಡಿಮೆ ಒಂಚೂರು
ನಿಮ್ಮ ತಪ್ಪುಗಳ ನೋಡುವುದು ಮಾಡಿ ಹೆಚ್ಚು ಒಂಚೂರು || ೪ ||

ಸಿಟ್ಟು ಮಾಡುವುದು ಮಾಡಿ ಕಡಿಮೆ ಒಂಚೂರು
ಪ್ರೀತಿ ಮಾಡುವುದನು ಮಾಡಿ ಹೆಚ್ಚು ಒಂಚೂರು || ೪ ||

ಬೇಕುಗಳನು ಮಾಡಿ ಕಡಿಮೆ ಒಂಚೂರು
ಬೇಡ ಅನ್ನುವುದನು ಮಾಡಿ ಹೆಚ್ಚು ಒಂಚೂರು || ೪ ||

ಬೇರೆಯವರಿಂದ ನಮಗೇನು ಅನ್ನುವುದನು ಮಾಡಿ ಕಡಿಮೆ ಒಂಚೂರು
ನಮ್ಮಿಂದ ಬೇರೆಯವರಿಗೇನು ಎಂಬುದನು ಮಾಡಿ ಹೆಚ್ಚು ಒಂಚೂರು || ೪ ||

ತಗೆದುಕೊಳ್ಳುವದನು ಮಾಡಿ ಕಡಿಮೆ ಒಂಚೂರು
ಕೊಡುವದನು ಮಾಡಿ ಹೆಚ್ಚು ಒಂಚೂರು || ೫ ||

ಇಲ್ಲದರ ಬಗ್ಗೆ ಗೊಣಗಾಟ ಮಾಡಿ ಕಡಿಮೆ ಒಂಚೂರು
ಇದ್ದದ್ದರ ಬಗ್ಗೆ ಕೃತಜ್ಞತೆ  ಮಾಡಿ ಹೆಚ್ಚು ಒಂಚೂರು || ೬ ||

ಸೇಡು ಇಟ್ಟುಕೊಳ್ಳುವದನು ಮಾಡಿ ಕಡಿಮೆ ಒಂಚೂರು
ಕ್ಷಮೆ ಮಾಡುವುದನು ಮಾಡಿ ಹೆಚ್ಚು ಒಂಚೂರು || ೭ ||

ಸ್ವಾರ್ಥದ ಚಿಂತನೆ ಮಾಡಿ ಕಡಿಮೆ ಒಂಚೂರು
ಪರಹಿತದ ಚಿಂತನೆ ಮಾಡಿ ಹೆಚ್ಚು ಒಂಚೂರು || ೮ ||

ಎಲ್ಲರ ಬಗ್ಗೆ ಸಂದೇಹಗಳ ಮಾಡಿ ಕಡಿಮೆ ಒಂಚೂರು
ಎಲ್ಲರ ಬಗ್ಗೆ ವಿಶ್ವಾಸವಾ ಮಾಡಿ ಹೆಚ್ಚು ಒಂಚೂರು || ೯ ||

ಕೆಲಸ ಮಾಡುವಾಗ ಇಷ್ಟು ಸಾಕು ಅನ್ನುವುದನು ಮಾಡಿ ಕಡಿಮೆ ಒಂಚೂರು
ಕೆಲಸ ಸರಿಯಾಗಲು ಇನ್ನೂ ಒಂದು ಹೆಜ್ಜೆ ಹೋಗುವದನು ಮಾಡಿ ಹೆಚ್ಚು ಒಂಚೂರು || ೧೦||

ಕೆಲಸ ಮಾಡುವಾಗ ಇಷ್ಟು ಸಾಕು ಅನ್ನುವುದನು ಮಾಡಿ ಕಡಿಮೆ ಒಂಚೂರು
ಕೆಲಸ ಸರಿಯಾಗಲು ಇನ್ನೂ ಒಂದು ಹೆಜ್ಜೆ ಹೋಗುವದನು ಮಾಡಿ ಹೆಚ್ಚು ಒಂಚೂರು || ೧೧ ||

ಸೇವೆ ಮಾಡಿಸಿಕೊಳ್ಳುವುದನು ಮಾಡಿ ಕಡಿಮೆ ಒಂಚೂರು
ಸೇವೆ ಮಾಡುವುದನು ಮಾಡಿ ಹೆಚ್ಚು ಒಂಚೂರು || ೧೨ ||

 - ಬುಡ ಬುಡ್ಕಿ ಬಾಬಾ