ಧ್ಯಾನ

ನಾ ಕೇಳೆದೆ
ಬುಡ ಬುಡ್ಕಿ ಬಾಬಾ ಬರೀ
ಬಡ ಬಡಿಸೋದು ಬಿಟ್ಟು
ಒಂದು ಸ್ವಲ್ಪ
ಧ್ಯಾನ ಅಂದರೇನು ಹೇಳೋ?

ಧ್ಯಾನ ನೀ ತಿಳ್ಕೊಂಡಂಗ
ಭಾರೀ ದೊಡ್ಡ ಕಷ್ಟ ಏನಲ್ಲ
ಧ್ಯಾನ ಅಂದರ ತನ್ನ್ನ ಜೋಡೆ
ತಾ ಮಾತಾಡೋದು
ಅಷ್ಟನೋ ಹುಚ್ಚಪ್ಪ || ೨ ||

ನಿನ್ನ ಮಾತ ಕೇಳಿ ನನ್ನ ಜೋಡಿ
ನಾ ಮಾತಾಡಕೋತ ಕೂತರ
ಜನ ನನ್ನ ಹುಚ್ಚ ಅಂತಾರ ಅಷ್ಟ
ಅದಕ ಅಂದ ಅವ
ಅನ್ನಲಿ ಬಿಡೋ
ಜನ ಏನಾರ ಒಂದ ಅನ್ನವರ
ಇದ ಧ್ಯಾನದ ಮೊದಲನೇ ಮೆಟ್ಟಿಲು || ೩ ||

ನೀ ಮೊದಲ ಬಾಯಿ ತಗದ
ಜೋರಾಗಿ ನಿನ್ನ ಜೋಡೆ ನೀ
ಮಾತಾಡೋದ ಕಲಿ
ಸ್ವಲ್ಪ ರೂಢಿ ಆದ ಮ್ಯಾಲ
ಪಿಸು ಮಾತನ್ಯಾಗ ಮಾತಾಡಿದ್ರು
ನೀ ಮಾತಾಡೋದೊ ನಿನಗ ಕೆಳಸ್ಥದ
ಇದ  ಧ್ಯಾನದ ಎರಡನೇ ಮೆಟ್ಟಿಲು  || ೪ ||

ಅದಾದ ಮ್ಯಾಲ ನೀ ಸುಮ್ಮನ
ಕಣ್ಣ ಮುಚ್ಕೊಂಡ ಕೂತ್ರ
ಸಾಕು ನಿನ್ನೊಳಗಿನ ಜೀವ
ನಿನ್ನ ಹತ್ರ ಬರತಾನ
ಒಂದ ಮಾತ ಆಡದೆನೆ
ಒಬ್ಬರಬೊಬ್ಬರಿಗೆ ಅರ್ಥ ಆಗ್ತದ
ಅದ ಧ್ಯಾನ ನೋಡು  || ೪ ||

ನಾ ಧ್ಯಾನ ಸರಿ ಮಾಡಾಕ
ಹತ್ತೀನಿ ಅಂತ ನನಗ
ಹ್ಯೆಂಗ ಗೊತ್ತಾ ಆಗೋದೋ
ಅಂತ ಕೇಳದೆ
ಅದಕಂದ ನಿನ್ನ ಎದ್ಯಾಗಿನ
ಭಾರ ಕಮ್ಮಿ ಆಗಿ ಹಗರ
ಅದರ ನೀ ಧ್ಯಾನ ಸರಿ
ಮಾಡಿ ಅಂತ ತಿಳಕೋ || ೫ ||

 - ಬುಡ ಬುಡ್ಕಿ ಬಾಬಾ