ನಮ್ಮತನ

ನಾನು ಅವನಂತಾಗಬೇಕು
ನಾನು ಇವನಂತಾದರೆ ಇನ್ನೂ ಚೆನ್ನ
ಅದ್ಯಾರೋ ಹೇಳಿದ ಮಾತು ಕೇಳೋಣ
ಆ ಒಳ್ಳೆ ಗುಣ ಕಲಿಯೋಣ
ಈ ದಿನಚರಿ ರೂಡಿಸಿಕೊಳ್ಳೋಣ
ಒಟ್ಟು ನಮ್ಮಲ್ಲಿ ಇದ್ದದ್ದನ್ನು ಬಿಟ್ಟು
ಬೇರೆಲ್ಲ ಬಯಸೋಣ
ಅದಾಗದಿದ್ದಾಗ ನಮ್ಮನ್ನೇ ನಾವು
ದೂರಿಕೊಳ್ಳೋಣ ಮಾತು ಮಾತಿಗೂ
ಹೀಯಾಳಿಸಿ ಗೇಲಿ ಮಾಡೋಣ
ಗೊಣಗಿ ಗೊಣಗಿ ಅವಮಾನಿಸೋಣ
ಅಷ್ಟು ಸಾಕಾಗದಿದ್ದರೆ ಮನಸಲ್ಲೇ
ನಮ್ಮ ವ್ಯಕ್ತಿತ್ವದ ಕೊಲೆ ನಾವೇ ಮಾಡೋಣ
ಯಾರಿಗೂ ಸಂಶಯ ಬಾರದಂತೆ
ಮನದ ಯಾವುದೋ ಮೂಲೆಯಲಿ
ನಮ್ಮತನದ ಶವ ಹೂಳೋಣ
ನೆನಪಾದಗೊಮ್ಮೆ ಅದರ ಮೇಲೆ
ಒಂದೆರಡುಬಾಡಿದ ಹೂವು ಬಿಸಾಕೋಣ
ಬಿಕ್ಕಿ ಬಿಕ್ಕಿ ಅತ್ತು ಹಗುರಾಗೋಣ
ಮರು ಕ್ಷಣ ಮತ್ತೆ ಹೊಸ ನಕಲು
ಮಾಡಲು ಅತ್ತಿತ್ತ ನೋಡೋಣ
 - ಬುಡ ಬುಡ್ಕಿ ಬಾಬಾ