ಬದಲಿಸಿಲಾಗದು ಯಾರನ್ನೂ

ನಾನು ಬದಲಿಸಿ ಬಿಡುವೆ
ನಾನು ಬದಲಿಸಿ ಬಿಡುವೆ ಎಂಬ ಭ್ರಮೆ ಬೇಡ
ಬದಲಿಸಲು ಸಾಧ್ಯವಿಲ್ಲ ನೀನೆಂದುಕೊಂಡಂತೆ
ತಂದೆ ತಾಯಿ ಹೆಂಡತಿ ಮಕ್ಕಳು ಬಂಧು ಬಳಗ
ಗೆಳೆಯ ಸಹದ್ಯೋಗಿ ಯಾರನ್ನೂ || ೧ ||

ಗಾಳಿಗೆ ಗುದ್ದಿ ಮೈ ನೋಯಿಸಿಕೊಂಡಂತೆ  ವ್ಯರ್ಥ ಆ ಪ್ರಯತ್ನ
ಬದಲಿಸಿಲಾಗದು ಬಲವಂತವಾಗಿ ಯಾರನ್ನೂ
ಅಂತರಿಕವಾಗಿರುವ ಅಂಧಕಾರವನು ತಾನೇ ಕಂಡು
ಹಣತೆ ಎಣ್ಣೆ ಬತ್ತಿ ಜೋಡಿಸಿಕೊಂದು  ಕಾದವನ
ಮನದ ದೀಪ ಪ್ರಜ್ವಲಿಸಬಹುದೇ ಹೊರತು
ಹೊರಗಿನ ದೀಪ ಒಳಗಿಡಲಾಗದು || ೨ ||

ನೋಡಿ ನಾನೇ ಬದಲಿಸಿದೆ ಎಂದು ನೀನೆಂದುಕೊಂಡಿದ್ದರೆ
ಅದೊಂದು ಬಿಳಿ ಕೂದಲಿಗೆ ಹಾಕಿದ ಕರಿ ಬಣ್ಣದಂತೆ
ಹೊಂದದಿದ್ದರೂ ಹೇಗೋ ಅಷ್ಟಿಷ್ಟು ಅಂದ ಹೆಚ್ಚಿಸಿ
ಕೆಲ ಸಮಯದಲ್ಲೇ ಮಾಸಿ ತಲೆಯಲ್ಲ ಕರಿ ಬಿಳಿಯ
ತೇಪೆಯಂತಾಗಿ ಕೂರೂಪಿಯಾಗುವದೇ ಹೊರತು
ಶಾಶ್ವತ ಸುರುಪಿಯಾಗಲಾರದು || ೩ ||

- ಬುಡ ಬುಡ್ಕಿ ಬಾಬಾ