ಗೆಲುವೆಂಬ ಶಾಪ

ಬುದ್ದಿವಂತ ಹೇಡಿಗಳಿಗೆ
ಸಿಗುತದೆ ಗೆಲುವೆಂಬ ಶಾಪ
ಲೋಕದ ಸ್ಪರ್ಧೆಗಳನು ಗೆಲುವರಿವರು
ಓಡಿ ಭಯ ಪಾಪ ಪ್ರಜ್ಞೆಯಿಂದ

ಹೇಳಿಕೊಳ್ಳಲಾರರು ತಮ್ಮ
ಗೆಲುವಿನ ದು:ಖವನು ಲೋಕಗಂಜಿ
ತಿಳಿಯಲಾರದು ಲೋಕ ಇವರ
ಗೆಲುವು ಒಂದು  ಸೋಲೆಂದು

ಕಾಣುವರಿವರು ಲೋಕದ
ಕಣ್ಣಲ್ಲಿ ತ್ರೀವಿಕ್ರಮರಂತೆ ಎತ್ತರ
ಆದರೆ ತಮ್ಮ ಕಣ್ಣಲ್ಲಿ ಮಾತ್ರ
ಸದಾ ಕುಬ್ಜರು ವಾಮನನಂತೆ

ಬಿಡಬೇಕೆಂದರು ಬಿಡಲಾರರು
ಹುಚ್ಚು ಗೆಲುವಿನ ನಾಗಾಲೋಟವನ್ನು
ಲೋಕದ ಹಂಗಿಗಂಜಿ
ಅಫೀಮು ಗಾಂಜಗಳಿಗಿಂತ ಮಾರಕ ಗೀಳಿದು
ಗೆಲುವೆಂಬ ಶಾಪ
- ಬುಡ ಬುಡ್ಕಿ ಬಾಬಾ