ವಿಶ್ರಾಂತಿ

ವಿಶ್ರಾಂತಿ ತಾಣ ಅಡಗಿದೆ
ಎಲ್ಲ ಮರೆತು ಅದಾವುದೋ
ಒಂದು ಗಳಿಗೆಯಲ್ಲಿ ಮುಳುಗಿ
ಮನ ಸ್ತಬ್ಡವಾದಾಗ || ೧ ||

ಆ ಗಳಿಗೆಯ ಕೊಂಡಿ
ಅದೆಂತದೊಂದು ಭಾವ
ಭಾವದ ಆಳ ಅನಂತ
ತಿಳಿಯದದು ತಳ ತಲುಪದೆ || ೨ ||

ಕಲೆಯೊಂದು ಜಾರುಬಂಡಿ ತಲುಪಲಲ್ಲಿ
ಹರಿದು ಸಂದೇಹಗಳ ಸಂಕೋಲೆ
ಒಪ್ಪಿಸಿ ನೋಡಿ  ನಿಮ್ಮನ್ನು ನೀವು
ಆ ಜಾರು ಬಂಡೆಗೆ || ೩ ||

ಸರ್ರನೆ ಜಾರಿಸಿ ಕರೆದೊಯ್ಯುವುದು
ಆ ಸ್ತಭ್ದ ಗಳಿಗೆಗೆ
ಕ್ಷಣವಾದರೂ ಅಲ್ಲಿ ವಿರಮಿಸಿ
ತಿಳಿಯಿರಿ ವಿಶ್ರಾಂತಿ ಏನೆಂದು || ೪ ||

- ಬುಡ ಬುಡ್ಕಿ ಬಾಬಾ