ಮಂತ್ರ ಮುಗ್ಧ

ಅದೆಂತಹದೊ ಧ್ವನಿ ಕೇಳಿತು
ನೋಡಿದರಾರಿಲ್ಲಾ ಸುತ್ತಲೂ ಯಾರು
ಆದರೂ ಅದೇಕೋ ಭಯವಿಲ್ಲ
ಅದರಲಿತ್ತು ಆಪ್ತತೆ ಚಿರಪರಚಿತ ಧ್ವನಿಯಂತೆ
ಅಂತರಂಗವ ತಟ್ಟಿ ಮನದಲಿ ಅನುರಣಿಸಿ
ಅದೆಲ್ಲಿಂದೋ ಬಂದು ಕರೆಯಿತು
ನಡೆ ಇನ್ನೂ ಸಾಕು ಹೊರಡೋಣ ಎಂದು
ಇದ್ದುದೆಲ್ಲವ ಬಿಟ್ಟು ನಡೆದು ಬಿಟ್ಟೆ
ಬಂದಿತ್ತದು ಕಾಲದ ಎಲ್ಲ ಪರಿಧಿಯ ದಾಟಿ
ತನಗಾಗಿಯೇ ಅದ್ಯಾವುದೋ ಜನ್ಮದಲ್ಲಿ
ತಾನೇ ಬಿಟ್ಟ ಕರೆಯಂತೆ ಕೈ ಹಿಡಿದು
ಕರೆದುಕೊಂಡು ಹೊರಟುಬಿಟ್ಟಿತು
ನಾ ಹಿಂಬಾಲಿಸಿದ್ದೆ ಮಂತ್ರ ಮುಗ್ಧನಾಗಿ
- ಬುಡ ಬುಡ್ಕಿ ಬಾಬಾ