ಕರ್ಮಗಳ ಖಾತೆ

ತೆರೆಯಲು ಈ ಖಾತೆ ನಿಲ್ಲ ಬೇಕಿಲ್ಲ ಸಾಲಲ್ಲಿ
ತೆರೆಯಲು ಈ ಖಾತೆ ಬೇಕಿಲ್ಲ ಯಾರ ಶಿಫಾರಸು ಪತ್ರ
ತೆರೆದರೆ ಒಮ್ಮೆ ಈ ಖಾತೆ ಇರುವುದು ಇದು ಸದಾ ಸಕ್ರಿಯ
ಈ ಖಾತೆಯಲಿ ಪ್ರತಿ ತಿಂಗಳು ಲೆಕ್ಕ ಪತ್ರ ಇಡುವ ಜಂಜಾಟವಿಲ್ಲ
ಈ ಖಾತೆಯಲಿ ಕೊನೆ ಪೈಸೆ ವರೆಗೂ ಸದಾ ಲೆಕ್ಕ ಪಕ್ಕಾ
ಸತ್ತರೂ ಮುಚ್ಚದು ಈ ಖಾತೆ
ಜನ್ಮಾಂತರಕ್ಕೂ ಕೂಡ ಯಾವುದೇ ಅರ್ಜಿ ಯಾರ ಮುಲಾಜ ಇಲ್ಲದೆ
ವರ್ಗಾವಣೆ ಆಗುವ ಏಕೈಕ ಖಾತೆ ಇದು
ಅನುಭವಿಸಿ ಮುಗಿಸುವವರೆಗೂ ಸದಾ ನಿಮ್ಮ ಸೇವೆಯಲ್ಲಿ
ಅನವರತ ನಿರತ ನಿಮ್ಮ "ಕರ್ಮಗಳ ಖಾತೆ"

- ಬುಡ ಬುಡ್ಕಿ ಬಾಬಾ