U ಟರ್ನ್ - 2

ಹುಟ್ಟಿದ್ದು ನರಕದಲ್ಲೇ ಆದರೂ
ಆಸೆಯಿತ್ತು ಹೋಗಬೇಕು ಸ್ವರ್ಗಕ್ಕೆ ಎಂದು
ಹೊರಟಿದ್ದ ಆತ  ನರಕದಿಂದ ಸ್ವರ್ಗದ ಕಡೆಗೆ
ಫುಲ್ ಸ್ಪೀಡು || ೧ ||

ದಾರಿ ಕಳೆದಂತೆ
ಕಗ್ಗತ್ತಲಿಂದ ಕಣ್ಣು ಕುಕ್ಕುವ ಬೆಳಕು
ದುರ್ವಾಸನೆ ಮಾಯವಾಗಿ ಎಲ್ಲಡೆ ಸುವಾಸನೆ
ಬಿರುಗಾಳಿ ದೂರ ಹೂಗಿ ಎಲ್ಲಡೆ ತಂಗಾಳಿ
ಬೆಂಕಿಯಂತ ಬಿಸಿಲಿಲ್ಲ ಹಿಮದಂತ ಚಳಿಯಿಲ್ಲ
ಎಲ್ಲಿ ನೋಡಿದರೂ ಸೌಂದರ್ಯ ಸಮೃದ್ಧಿ
ಕಲ್ಲು ಮುಳ್ಳುಗಳೇ ಇಲ್ಲದ ರೇಶಿಮೆಯಂತ ಹೆದ್ದಾರಿ  || ೨ ||

ತಾಳಲಾಗದೆ ಹೊಡೆದ ಗಕ್ಕನೆ ಬ್ರೆಕ್ಕು
ದಾಟಿಸಿ ಡಿವೈಡರು ಹೊಡೆದ U ಟರ್ನ್
ಹಿಂದೆ ನೋಡದೆ ಓಡಿಸಿದ ಮತ್ತದೇ
ಫುಲ್ ಸ್ಪೀಡು || ೩ ||

 - ಬುಡ ಬುಡ್ಕಿ ಬಾಬಾ