ಸರ್ಕಸ್ಸಿನ ಜೋಕಾಲಿ ಆಟ

ಸರ್ಕಸ್ಸಿನ
ಜೋಕಾಲಿ ಆಟದಲಿ
ಜಿಗಿಯುತ್ತಾರೆ
ಕೈಯಲ್ಲಿನ  ಜೋಕಾಲಿ ಬಿಟ್ಟು
ಇನ್ನೊಂದು ಜೋಕಾಲಿಗೆ
ಅದು ಹತ್ತಿರ ಬಂದಾಗ  ನಂಬಿ
ಕೆಳಗಿನ ಸುರಕ್ಷತಾ ಬಲೆಯನ್ನು  || ೧ ||

ಜೀವನದ ಸರ್ಕಸ್ಸಿನ
ಜೋಕಾಲಿ ಆಟದಲಿ
ಜಿಗಿಯಬೇಕು
ಕೈಯಲ್ಲಿನ ಜೋಕಾಲಿ ಬಿಟ್ಟು
ಮುಂದಿನ ಜೋಕಾಲಿಗೆ ಅದು
ಕಾಣದೆಯೂ ಕೂಡ
ಬರೀ ಆತ್ಮ ವಿಶ್ವಾಸವೆಂಬ
ಸುರಕ್ಷತಾ ಬಲೆ ನಂಬಿ  || ೨ ||


ಅದಕೆ ಏನೋ
ಜೀವನದ ಸರ್ಕಸ್ಸಿನ
ಜೋಕಾಲಿ ಆಟದಲಿ

ಎದೆ ಝಲ್ಲೆನ್ನುವುದು ಜಾಸ್ತಿ || ೩ ||

- ಬುಡ ಬುಡ್ಕಿ ಬಾಬಾ