ಗಾಳಿಗಿಂತ ಹಗುರ

ಕೇಳ್ರಪ್ಪೊ ಕೇಳ್ರಿ
ಗಾಳಿಗಿಂತ ಹಗುರವಾದ ಮತ್ತೊಂದು
ಹೊಸ ವಸ್ತುವಿನ ಆವಿಷ್ಕಾರವಾಗಿದೆಯಂತೆ
ಅದು ಕೆಲವರ ಮಾತಂತೆ
ಮಾತು ಗಾಳಿಗಿಂತ ಹಗುರ ಮಾಡುವುದು
ಅತಿ ಸುಲಭವಂತೆ || ೧ ||

ಆಡಿದ ಮಾತಿಗೆ  ಮಾಡುವ ಕೃತಿಗೆ
ಯಾವುದೇ ಸಂಬಂಧವಿಟ್ಟುಕೊಳ್ಳದೆ
ಆಡುವುದೊಂದು ಮಾಡುವುದೊಂದು
ಮಾಡಿ ಮಾಡಿ  ಮಾತನ್ನು
ಗಾಳಿಗಿಂತ ಹಗುರ
ಮಾಡಬಹುದಂತೆ || ೨ ||

ಇನ್ನೂ ಬಲುನೂಗಳಿಗೆ ಇದನೆ
ತುಂಬಿ ಹಾರಿ ಬಿಡುವ ಹೊಸ
ಬಲೂನು ಭಾಗ್ಯ  ಯೋಜನೆ
ಕೂಡ ಇದೆಯಂತೆ
ಆಸಕ್ತಿ ಇರುವವವರು ಕೂಡಲೇ
ನೋಂದಣೆ ಮಾಡಿಕೊಂಡು
ಭಾಗವಹಿಸಬೇಕಂತೆ || ೩ ||
- ಬುಡ ಬುಡ್ಕಿ ಬಾಬಾ